LOTI I FUNDIT

Kopenhage

14.05.2023

Procesverbal nga mbledhja e kryesise se fondit,,Loti i fundit”

Mbledhjen e hapi kryetari Bedri Bytyqi dhe i njoftoi te pranishmit se kjo mbledhje mbahet pas dy viteve . Bedriu i njoftoi te pranishmit me ecurine e fondit dhe per kerkesat e anetarsise.
Raportin e fondit per vitin 22-23
Zgjedhja e kryesise se re
Diskutime rreth statutit
Te ndryshme.
Muj Berisha e mori fjalen dhe i pershendeti te pranishmit dhe i informoi te pranishmit se informatat e anetaresise i ka vetem kryetari me kryesi , po jo per anetarsine e gjere.
Muja kerkoi korrektesi dhe te jemi human ne mes veti.
Bedriu i informoi te pranishmit per oferten e Fatmir Elezit i cili i ka kerkue 2900 euro.
E kemi pase edhe nje oferte tjeter qe quhet Sabit Rexhaj i cili ka dhene oferte me 2800 euro.
Befriu i informoi te pranishmit per qmimet dhe bisedat me Fatmir Elezin dhe oferuesin tjeter.
Muj Beisha i kerkoi qe anetaresia t’i jep mundesine kryesise te bisedoi me Fatmirin per qmim.
Anetaresia vendosi - te pranishmit- qe ta vazhdojne bashkepunimin me Fatmir Elezin me qmim 2900 euro qe Fatmir Elezi te jete bashkepunues dhe stabil.

Pika e dyte e rendit te dites , zgjedhja e kryesise se re.
Bedriu i informoi te pranishmit se per qdo 5 vite duhet te zgjedhet kryesia e re.
Bedriu i informoi se Muj Berisha e ka krijua nje program qe kryetarit ja mundeson kontrollimin e fondit .
Bislim Berisha e propozoi qe Bedri Bytyqit ti vazhdohet mandati edhe per 5 vite ku u votua dhe u akceptue nga te pranishmit.
Po ashtu kryesise se vjeter ju dha besimi edhe per 5 vite tjera.
Bedri Bytyqi propozoi qe 3000kr ne vit t’i ipen Muj Berishes per mirembajtje te programit por Muj Berisha i refuzoi ate pagese.
Kryesia vazhdon edhe per nje mandat tjeter.
Ukshin Fazliu propozoi si anetar te ri te kryesise Fevzi Arifi
Ne vend te Rexhep Makollit u propozua Fadil Fazliu.
Keta dy persona jane anetar te kryesise tash.

Pika 3.
Diskutime rreth statutit.
Bedri Bytyqi i informoi te pranishmit se qe nga themelimi i fondit statuti ka pesue shume ndryshime e plotesime gjat ketyre viteve.
Bedriu propozoi qe MOS  tu mundesohet keqperdorimi i fondit nga anetare te pa pergjegjshem ku nje pjese e madhe e tyre jan anetarsue si persona mbi moshen 70 vjeqare.
Bedriu propozoi qe personat qe tentojne ta keqperdorin fondin ose ti paguajne 1000 kr ose te nderpritet anetarsimi i anetareve te ri.
Ibrahim Xhemajli mori fjalen dhe pyeti se sa eshte problem dhe sa eshte dukuri qe personat po done ta keqperdorin fondin.
Bajram Kryeziu propozoi qe anetaret e ri nese done te anetaresohen duhet te paguajne prej fillimi e me te gjirhe anetaret e familjes.
Te pranishmit  votuan qe neni 5 a- 5-b te ndyshoi e formulimi eshte keshtu.

Para ndryshimit
neni – 5a
Anetari i ri që shprehë dëshirën me u anëtarsuar në këtë FOND, është i obliguar të paguaj anëtarësinë vjetore (100kr në vit), llogaritur prej vitit 2009 (kur ka filluar FONDI) e deri në vitin kur anëtari e bënë pagesën. ( Shembull: Nëse bashkëatdhetari vendos të antarësohet në fond në vitin 2022, ai duhet të starton me pagesën 1400kr, pastaj nga viti pasues, 2023 paguan 100kr në vit, sikur anëtarët tjerë të Fondit)
(Sqarim: Anëtar të rinjë nuk konsiderohen personat e martuar dhe ata të lindur në familjen e cila është paguese e rregullt e anëtarsisë të anëtarve të saj.
Ata startojnë normalisht me
shumën prej 100 kr daneze.)

Pas ndryshimit

neni – 5a
Anetarët e rinjë që shprehin dëshirën me u anëtarsuar në këtë FOND, janë të obliguar t’i regjistrojnë dhe të paguajnë antarësinë për të gjithë antarët e familjes së ngushtë të tyre, edhe nëse ata jetojnë në adresa të ndryshme në Danimarkë. Ata duhet të paguajnë anëtarësinë vjetore (100kr në vit), llogaritur prej vitit 2009 (kur ka filluar FONDI) e deri në vitin kur  ata  e bëjnë pagesën. ( Shembull: Nëse anëtarët e rinjë vendosin të antarësohen në Fond në vitin 2023, ata duhet të startojnë me pagesën 1500kr për antarë, pastaj nga viti pasues, 2024 paguajnë 100kr në vit për antar, sikur anëtarët tjerë të Fondit)
(Sqarim: Anëtarë të rinjë nuk konsiderohen personat e martuar dhe ata të lindur në familjen e cila është paguese e rregullt e anëtarsisë të anëtarve të saj.
Ata startojnë normalisht me
shumën prej 100 kr daneze).
Ju lutem e lexoni ashtu si eshte ky formulim.

Procesmbajtsi i mbledhjes se kryesise
Bislim Beisha

------------------------------------------------------------

Valby 12.12.2021

Valby 19.05.2019

Mbledhja e kryesise se fondit ,,Loti i fundit” me kete rend dite:

1. Raporti vjetor i punes se kryesise se fondit
2. Zgjedhja e nje anetari të kryesise qe perfaqson AAlborgun

3. Diskutime rreth statutit

1. Te ndryshme

Mbledhjen e hapi kryetari Bedri Bytyqi, ku i pershendeti te pranishmit dhe vazhdoj duke i informuar per te hyrat dhe daljet e pagesave gjate vitit te kaluar deri sot.

Bedriu i informoi per punen dhe perkushtimin e Fatmir Elezit per te gjitha rastet ku te gjithe kane shpehur fjale miradie per punen e tij.

Bedriu falenderoi gjithashtu edhe Ali Asllanin per mirembajtjen e faqes se fondit, si dhe Mirsad Gruden për sigurimin e lokalit.

Bedriu bashke me Muje Berishen i informoi te pranishmit ne menyre grafike per hyrjet dhe daljet deri me sot. Gjendja faktike e fondit eshte

592.835kr

Bedriu na informoi se nje rast eshte paguar me daten 5.05 19

Personi qe e ka bere pagesen me vonese e HUMBE TE DREJTEN E KOMPENSIMIT

Pra apeloi te anetaresia qe te jene më serioz dhe t’a kryejne pagesen ne afat qe eshte percaktuar ne statut

Si verejtje Shqiponje Bytyqi propozoi qe t’u behet me dije dhe t’u perkujtohet anetarsise per pagesat qe mos te pritet dita e fundit

Muja ja sqaroi Shqiponjes se verejtjet dhe paralajmerimet i paraqesim rregullisht nepermes facebookut dhe faqes tonë të internetit ku informohet anetaresia rregullisht para perfundimit te afatit.

PIKA E DYTE

STATUTI —PLOTESIME DHE SQARIME.

Rasti i pagesave dhe nderprerja e pgeses se anetaresise

Sqarimi i rasteve te tilla:

ANETARI QE ESHTE ANETARESUAR NE FOND NJE HERE, NE RAST PAUZE ,

PER T’A GEZUAR TE DREJTEN E SHFRYTEZIMIT TE FONDIT, GJATE AFATIT TË PAGESAVE TE ANTARËSISË , DUHET T’I PAGUAN TE GJITHA VITET QE I MUNGOJNE.

KY ESHTE PLOTESIM I NENIT

5 D dhe hyne në fuqi menjëher.

KRYESIA Zgjerohet me nje anetar nga Ålborgu, të cilin duhet t’a zgjedhin dega e fondit në Ålborg.

Bedriu propozoi qe ne kryesi te jet së paku edhe nje femer dhe u propozua ZARIFE SYLA.

Propozimi u miratua njëzëri nga te pranishmit.

Bedriu propozoi poashtu qe te jete edhe nje nenkryetar, ku e propozoi MUJE BERISHEN, i cili propozim u miratua njëzëri nga te pranishmit.

Pika e fundit,

TE NDRYSHME.

Ibrahim Xhemajli na informoi se tash jane zgjegjet parlamentare ne Danimarke.

Ai propozoi qe në zgjedhjet e ardhme ne te dalim me nje kandidat per parlamentin danez

Te gjithe e perkrahen këtë ide dhe mbetë te punohet rreth kesaj ideje.

Zarife Syla doli me propozim qe te formohet edhe nje grup i valltareve qe te na perfaqsoj ne festa te ndryshme qe organizohen ne Danimarke.

Te pranishem në këtë tubim ishin edhe Ambasadorja e Shqiperise ne Danimarke, z Elida Petoshati dhe Konsulli i Republikes se Kosoves ne Danimarke z Arton Krasniqi.

Bedriu i dalenderoi te pranishmit per pjesemarrje dhe i informoi musafiret per historikun e fondit.

Te pranishmit i pershendeti

Ambasadorja dhe Konsulli, të cilët na pergezuen per punen qe eshte bere prej formimit te fondit.

Proces mbajtesi

Bislim Berisha

Mbledhja e kryesise se fondit,,Loti i fundit"

Procesverbal nga mbledhja e kryesise se fondit ,,Loti i fundit"

Holbæk me 10.06.2018

Në fillim Kryetari Muj Berisha i pershendeti te pranishmit dhe i njoftoi me rendin e dites.

1. Raporti i punes 2009-2018
2. Zgjedhja e kryesise
3. Diskutime rreth statutit
4. Te ndryshme

Anëtarët e pranishem ne mbledhje miratuan njëzëri renden e ditës.

1. Muja i informoi per shpenzimet e fondit per vitin 2017

Te gjitha te dhanat jane te publikume ne faqen e internetit, lotifundit.dk

Në vazhdim ai apeloi qe pagesa te behet para dates 5 PRILL,

SEPSE NESE PAGESA BEHET ME VONESE ,PERSONI HUMBE TE DREJTEN E KOMPENZIMIT

(E SHIKONI DHE LEXONI ME VEMENDJE STATUTIN)

Fondi eshte ne rritje sidomos ne kete vit--2018

Hyrjet dhe daljet jane te publikume ne internet ne faqen e fondit.

Ne konto te fondit jane.  511.976kr

1. Pika e dyte e rendit te dites ,zgjedhja e kryesise se re

Muja i tregoi arsyet pse nuk mundet ma me e udheheq fondin dhe propozoi qe tash e tutje ta udheheqe Bedri Bytyqi.

Bedri Bytyqi u zgjodh ne menyre unanime nga te pranishmit.

Nga data 10.06.2018 Bedri Bytyqi eshte kryetar i fondit ndersa pjasa tjeter e kryesise mbetet ashtu si ka qene.

1. Sa i përket pikes se trete, të pranishmit në mbledhje nuk e panë të arsyeshme që të bëhet ndonjë ndryshim ne statut.
2. Bedriu propozoi qe ne mbledhjet e kryesise tash e tutje te sigurohet nje shujte per te pranishmit, të cilin propozim e përkrahën unanimisht anëtarët e pranishëm në mbledhje.

Holbæk 10.06.2018.   Procesmbajtesi Bislim Berisha

Loti i fundit: Procesverbal 

Holbæk 30-04-17

  Procesverbal i mbledhjes se Kryesise  se fondit ,,Loti i fundit,,

   Rendi i dites

• Gjendja  fondit nga viti 2009-2017
• Ndryshime eventuale në Statut.

• Te ndryshme

 Kryetari, Muj Berisha në fillim i pershendeti  te pranishmit të cilët i falenderoj për pjesemarjen e tyre në këtë mbledje  dhe në vazhdim i informoj ata per  rendin e  dites.

Të gjithë të pranishmit e miratuan njëzëri rendin e ditës së këtij tubimi.

1. Në këtë pikë, Kryetari  i paraqiti përmes projektorit   te  hyrat  dhe te  dalurat e mjeteve të fondit  sipas viteve, duke filluar nga viti 2009 dhe u ndal  ne  vitin 2016 ,ku dha shënime më të detajuara. Ai theksoi se në këtë vit, nga pagesat e antarësisë ka pasur hyrje gjithesejtë, 95307 kr, kurse dalje kemi 19470 kr. 

Hyrja  totale  prej formimit  te  fondit  eshte  826866 kr, ndërsa

daljet totale  prej formimit të fondit jane  402599 kr.

Te gjitha  te  dhanat do  te  publikohen  ne  faqen zyrtare  te  fondit.

1. Në pikën e dytë të rendit të ditës, Kryetari propozoi plotësimin e statutit me një  nen rreth kjartsimit  te  fondit  karrshi kompnive kontraktuese

SHOQATA HUMANITARE   ---LOTI I FUNDIT--NUK  KA PERGJEGJESI JURIDIKE  NE RAST QE KOMPANIA E KONTRAKTUAR BIE NEKONFLIKT ,ME  RREGULLAT DHE LIGJET PERKATESE KU VEPRON GJATE KRYRJES SE SHERBIMIT PERGJRGJESIA BIE MBI KOMPANINE QE KRYEN SHERBIMIN.

Ky propozim u miratua nga te pranishmit

 Për ndryshime në statut nga të pranishmit pati edhe propozime tjera. Si te vazhdojme  me antaresine e re qe shpreh intersim per t,u antarsue. Shuma fillestare prej 500 kr te  hiqet apo  te rritet. Per anetaret e rregullt te rritet pagesa  vjetore  në 150 kr.

Bedri  Bytyqi propozoi ndryshimin e nenit 5b, ku anëtarëve të cilët për shkaqe të ndryshme paguajnë antarësin pas skadimit të afatit, nëse ju ndodhë rasti i vdekjes në familje, të ju mundësohet kompenzimi nga fondi 80% ndërsa 20% të paguajnë familja, pasi mohimi i kompenzimit 100% vetëm për një vonesë të pagesës së antarësisë, përderisa pagesat e viteve të mëparme janë bërë të gjitha me kohë, është një ndëshkim i rëndë për atë familje.

Fadil  Isufi  ishte  kunder ketije propozimi dhe propozoi  qe  mos te behet kurrfar ndrrimi.

Keto dy propozime  u hodhen  ne  votim  dhe  per propozimin  e  Bedri  Bytyqit ishin 8 vota, ndërsa per propozimin  e  Fadil Isufit  ishin 9 vota  ,dmth  propozimi  i  Bedriut nuk kaloi.

Bislim Berisha propozoi  qe  fondi te  rritet  per 50 kr pra,nga 100kr te  behet 150 kr  per  anetar. 

Propozimi  i  Bislim Berishes  nuk  u  miratua dhe pagesa  nuk  ndryshon.

1. Në pikën e fundit të rendit të ditës, disa nga anëtarët pjesemarrës në mbledhje, Besnik Dauti, Naser Krasniqi, Bedri Bytyqi etj, e përgëzuan kryesinë, posaqërisht Kryetarin,  Muj Berisha, për  përkushtimin dhe punën e tij efikase në Fond.

Per te  gjitha risite do te  njoftoheni  ne  faqen zyrtare te  fondit

 Holbæk. 30-04-2017

Procesmbajtesi: Bislim Berisha

07-05-2016

Muj Berisha si kryesues i fondit i pershendeti te pranishmit dhe i falendderoi per pjesemarrje dhe perkrahje te punes dhe aktiviteteve
rreth fondit
Te pranishmit i informoi rreth informimit te anetarsise ne te gjitha mjetet e informimit
e keto ishin pika e rendit te dites
N--1 Reth gjendjes se fondit prej vitit te themelimit 09--16
N--2 STATUTI--dhe plotsimet dhe korrigjimet ne statut
N--3 TE ndryshme

 

STATUTI 2016
Dispozitat e përgjithshme
neni - 1
Emri i Shoqatës (Fondit) është "Loti i fundit". Fondi i anëtarve për transportimin e kufomave ne vendlindje- Kosovë, Shqiperi dhe vise te tjera të banuara me shqiptarë
Shoqata është e pavarur dhe ka karakter humanitar me seli në Nakskov, ne adresën:
Muj Berisha
Rosnæsvej 110
4900 Nakskov
Nr. i tlf: +45 24 87 61 20
Shoqata ka këtë gjirollogari: "Reg.nr.1551, konto nr.10387353, Danske bank"
neni - 2
Të drejtë antarësimi në Fond kanë të gjithë bashkëatdhetarët me banim në Danimarkë dhe bashkëatdhetarët që kanë shtetësi daneze e që për shkaqe të ndryshme jetojnë jashtë Danimarkës.
Familjes së antarit të ndjerë i mbulohen shpenzimet gjatë transportimit të kufomës në shumën e kontraktuar nga Danimarka në vendëlindje.
neni - 3
Nëse ndonjë anëtari i ndodhë ndonjë fatkeqësi tragjike (vdekje) gjatë udhëtimit - Danimarkë dhe shtete tjera të Europës ,familjes se tij i mbulohen shpenzimet për transportimin e kufomes në vendlindje.
neni - 4
Nëse anëtarit i ndodh ndonjë fatkeqsi, tragjedi (vdekje) gjatë udhëtimëve jashte Danimarkës, shpenzimet e transportimit të kufomës i mbulon Fondi aq sa kushton transportimi i të vdekurit nga Danimarka në vendlindje.
Nëse anëtari pagues i fondit vdes në vendlindje familja e të ndjerit ndihmohet me 5000 kr. nga mjetet e Fondit "Loti i fundit ". Gjithashtu nëse familja vendos që të ndjerin ta varros në Danimarkë, familja ndihmohet me 5000kr nga fondi.
neni – 5a
Anetari i ri që shprehë dëshirën me u anëtarsuar në këtë fond, duhet të startoj me pagesën në shumën prej 500 kr. daneze dhe pastaj në vitin pasues vazhdon me pagesën prej 100kr daneze për qdo antare të familjes për qdo vit kalendarik, .
(Sqarim: Anëtar të rinjë nuk konsiderohen personat e martuar dhe ata të lindur në familjen e cila është paguese e rregullt e antarësisë së antarëve të saj. Ata startojnë normalisht me shumën prej 100 kr daneze.)
neni – 5b
Anëtari i Fondit duhet ta bënë pagesën në afatin e paraparë me statut,Janar-Prill.(dmth. afati i fundit 5 Prill), për ta gëzuar të drejtën e kompenzimit nga fondi, në të kundërtën të drejtën e kompenzimit e fiton vetëm në vitet pasuese. (Psh. Pagesa bëhet në Maj e rasti ndodhë në Qershor, atëherë ajo familje nuk e gëzon të drejtën e kompenzimit nga fondi). 
Pagesat e antarësisë të kryhen patjetër nëpermes e-bankës (internetit), në të kundërten, nëse pagesa bëhet në forma tjera, atëherë anëtarët duhet patjetër të paguajnë nga 150 kr. daneze për qdo pagesë.

neni -5c

Anëtarët që anëtarsohen për herë të parë, të drejtën e kompenzimit nga fondi, (nese ju ndodhe rasti i vdekjes), familja e tij e realizojn ( fiton ), vetëm atëherë kur rasti i vdekjes ka ndodhur pas gjashtë muajve, kohë e llogaritur nga data kur kryhet pagesa e antarësisë.
( Dmth. Familja e anëtarit të ri, nuk ka të drejtë kompenzimi në gjashtë muajtë e parë , edhe nëse i ndodhë rasti i vdekjes, kohë e llogaritur nga data kur është realizuar pagesa e antarësisë).
E njëjta vlenë edhe per anëtarët joaktiv të cilët aktivizohen pas një pauze.
neni - 6
Në anëtarsimin e fondit duhet të përfshihen të gjithë anëtarët e familjesë, pa marrë parasysh moshën, dhe pagesa ështe 100 kr. daneze për qdo anëtar. Pagesa duhet të bëhet deomos në periodën Janar – Prill (afati i fundit. 05 Prill) për qdo vitë kalendarik.
neni - 7
Shuma e anetarsimit mund të ndryshoj sipas inflacionit me vendimin e kryesisë së fondit.
neni - 8
Anetari që nuk e bënë pagesën e anetarsisë me kohë në periodën janar – mars, e humbë të drejtën e kompenzimit nga fondi në vitin përkatës, (lexo nenin.5).
neni - 9
Secili anetar i fondit të kufomave, qoftë si individ ose si grup që dëshiron të tërhiqet nga ky fond, mund të tërhiqet, por pa kthim të mjeteve që i ka dhënë më parë në fond
neni - 10
Këtë statut mund ta posedon qdo anetar i fondit dhe mund ta merrë qdo kush përmes rrjetit elektronik adresa eshte: lotifundit.dk 
neni - 11
Këshilli i fondit të kufomave tubohet një herë në vit dhe bënë kontrollimin e pagesave të anetarsisë dhe llogaritjen e bugjetit vjetor në muajin dhjetor.
neni - 12
Me aprovimin e ketij statuti bëhet zgjedhja e kryesisë nga anetarsia e fondit në përbërje të: kryetarit, sekretarit dhe arkatarit. Nënshkrimet e kryesisë duhet të deponohen në një bankë të Danimarkes.
neni - 13
Transferimi i të hollave nga banka ( fondi) në konton e kryefamiljarit të familjes se ngushtë të të ndjerit, bëhet nga anëtarët e kryesisë së fondit (kryetari, sekretari dhe arkatari).
neni - 14
Zgjedhjen e kompanise e cila do ta bënë transportimin e kufomes për në vendlindje e bënë kryesia e fondit (në bazë të ofertës ma të volitshme të afruar nga dy apo tri kompani).

neni - 15
Për të fituar të drejtën e transferimit të të hollave, familja e të vdekurit obligohet ti ofroi kryesisë së fondit këte dokumentacion:
- Certifikatën e vdekjes
- Fakturen e transportit të kufomës dhe
- Kopjet e fakturave (dëftesave) të pagesës së anëtarsisë për të gjithë anëtarët e familjes.
neni - 16
Nëse anetarit i vjen në vizitë, në Danimarkë ndonje pjestar nga familja e ngushtë (prindi ose fëmija), anetari eshte i obliguar ta anetarsojë mysafirin në fond (me 100 kr.) nëse dëshiron që të gëzoj të drejtën e kompenzimit në 50% të shumës së paraparë nga fondi ne rast fatkeqësie (vdekje) gjatë kohes se qendrimit te tij ne Danimarke. Pagesa duhet të kryhet mbas largu 7 dite prej ditës së ardhjës së mysafirit. Gjithashtu anëtari është i obliguar që në afatin sa ma të shkurtë të ja dergon Kryesisë së fondit, një kopje të qertifikatës së lindjes të musafirit të tij, si dëshmi e afërsisë së tij familjare.
neni - 17
Fondi ka vulen e vetë në të dy gjuhët, shqipe dhe ate daneze: Shoqata humanitare: " Loti i fundit" - Den humanitære forening: "Det sidste tåre"
neni - 18
Në rast se në fond na mungojne mjetet (te hollat) per transportimin e te vdekurit per ne vendlindje, shpenzimet per transportim i mbulon (i paguan) familja dhe kompenzimin e mjeteve (pareve) per transportim të të ndjerit familja i merr nga fondi menjeher posa fondi ti siguron mjetet e mjaftuara për pagesë.
Holbæk 07-05-2016

 

————————————————————————————

Buxheti 2009-2016